De Greeters, wat  för Lüüde sünd dat?




greeter250 


Wi, de wi us Greeters nöömt, hebbt een Viduutz doran, Besökers, vun wo de ook herkomen doot, dat Besunnere vun Bremen vörtostellen.
Wi sünd somit keene  profeschionellen Fremdenföhrers.

Vun us köönt de Gäste nich bloots welke historische und geografische Saken to hören kriegen, sunnern ook persönliche Geschichten un Beleevnisse, de mit Bremen-Nord to doon hebbt.
Bi us gifft dat keene Standard-Tuuren  und ook keen So-un-nich-anners. Jeedeen Greeter plaant un maakt siene eegen Tuuren.
Een Tuur duuert  normaalerwies so um un bi twee Stunnen. Dorna kann dat een kommodig Koffie-Drinken ( un ook Koken-Eten ) geven. 
Wi maakt usse Tuuren an’t leevsten mit Lüüd, de alleen,  or mit solke, de as Frünnen unnerwegens sünd, aver ook mit Pärchen un Familien.  Wi maakt dat nich mit Gruppen, de grötter sünd as 6 Lüüd.
Wi maakt usse Tuuren tofoot or ook mit Fahrrad, kann aver ook Bus un Bahn dorbi sien.

De  Idee ,  as Greeter to  fungeeren, kummt ut New-York.
Welke New-Yorkers nehmt sik welke Gäste vun wo ook jümmers an un wiest jem de grootaarigsten un afsünnerlichsten Saaken vun de Stadt,  up ganz eegen Aart un Wies.
Der Greeters nöömt dat een’n Greet.

Up düsse Web-Siet  kannst du wat mehr över Bremen-Nord  un över us Greeters wies warrn. Us Paroole is:  Kumm as Gast! Goh as Fründ!

Up usse Web-Siet seggt wi di ook, up welke Wies ook du een Greeter warrn kannst. Hier bi us or in een anner Stadt.

 

De Tuur mit een’n Greeter kost för de deelnehmen Gäst keen Geld nich.